kolchynd

S	M	T	W	T	F	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Jul. 30th, 2009

Малдоўскія прыгоды

Падобна на тое, што камуністычная будучыня гэтай краіны, якая, па маіх назіраньнях, выглядала прыкладна гэтак:

,
становіцца менш імавернай, што не можа не радаваць.
У сувязі са зьўленьнем у навіновых стужках шматлікіх перадруковак паведамленьняў пра "высылку расейскіх назіральнікаў" дам-ка я поўны тэкст заявы міссіі ENEMO пра казус з назіраньнем у Малдове:
( Заявление миссии международных наблюдателей ENEMO )
Тут ёсьць неблагі "Інтэраўскі" рэпартаж пра гэта ўсё :)

Jul. 4th, 2009

Gaudeamus igitur!

mood:

happy

Абараніўся. Усё-ткі абараніўся, хаця часам ня верыў, што датрываю. Недзе зь чытанага: нехта там адчуваў сабе гэтак, як, мусіць, адчуваў сябе Сызыф у тыя імгненьні, калі камень ужо паляцеў ўніз, а ён яшчэ на вяршыне. Адчуваньні зараз рыхтык такія ж. Тры гады - і я перакваліфікаваны з фізыкаў у лірыкі. Ура.

Pereat tristitia,

Pereant dolores!

Pereat diabolus,

Quivis antiburschius

Atque irrisores!

Jun. 4th, 2009

RIP

Фурс памёр...
Божа мой, як жа ж так?
Меў шчасьце ў яго навучацца... Такіх людзей у нас - літаральна адзінкі...
Тут ёсьць пра яго крыху....
Вечная памяць...

May. 28th, 2009

Пад "Пагоняй"

"Выпускны" вечар у дачкі ў школе:

ні слова па-беларуску, зь нейкімі "цыганачкамі" ды брэменскімі музыкамі, зь дзікаватым для мастацкай школы афармленьнем сцэны...
Затое пад "Пагоняй", а не пад капустай.

Posted at 06:42 pm | Link | Leave a comment | Add to Memories | Tell a Friend

Mar. 12th, 2009

о мой моск...

Па магілёўскім інфармацыйна-забаўляльным гарадзкім партале вісіць навІна пра тое, што "13 марта в фойе Могилёвского государственного университета имени А.А. Кулешова состоится акция «Размаўляй па-беларуску». Инициатором выступила первичная организация БРСМ исторического факультета."
Нада схадзіць.

Mar. 11th, 2009

абчытаўся

А ці ня мае хтось часам гэтай фоткі, толькі лепшай якасьці-памеру?

Буду мошчна ўдзячны.

Feb. 25th, 2009

Knygos

У "Акадэмкнізе", што на Унівэрсітэцкай у Вільні, ляжаць фаліянты Першага літоўскага Статуту ды асобныя тамы Мэтрыкі па 2-3 (ДВА-ТРЫ) літы. Налятай, народ.

Jan. 14th, 2009

Беларусбанк

У аддзяленьні ББ назіраецца наступная агітацыя (я, праўда, пакуль не вырашыў, за што):

Dec. 14th, 2008

Эліта

У дадатак да папярэдняга запісу.
НН, што імкнецца быць дліжэй да народу, дэманструе такую імклівую дэградацыю, што я пачынаю саромецца таго, што браў яе ў рукі.
Я яшчэ помню, што друкавалася ў "Нашай ніве" ў рубрыцы "Літаратура" пры Дубаўцу. А цяпер там "творы і мініятуры" "для сэрца, для розуму, для мовы" - пра "пі...лі", пра "нах.." ды пра "я...ло".
Вырасьцілі эліту.

Dec. 4th, 2008

НуНу

Заўтра атрымаю нумар НН наркамаўкай. На гэтым свае падпісчыцкія стасункі з газэтай сканчаю. Занадта молада, зелена, футбольна, канфармісцкі ды бессэнсоўна. Пашкоджаньні, якія газэта атрымала ў выніку зьмены пакаленьняў, несумяшчальныя з жыцьцём.
Да таго ж я не магу дагнаць, чаму я мушу плаціць за паперу з тэкстамі, якія тыдзень вясяць у вольным доступе на сайце. Дзеля беларускай салідарнасьці-ўзаемапомачы? Дык я лепш суседу на апахмелку дам - вось гэта будзе сапраўдная помач.
Да сьвіданія, рабяты, вы так і не пасталелі.
А шкада.

Dec. 2nd, 2008

Парушаны гамеастазіс

Заправіўся ўчорай бензынам 92-м па 2220. На запраўцы доўга ня мог сьцяміць, што гэта за валюта на табло (а там розныя пэрыядычна мяняюць адно адну - Br, RUB, USD, эўры), бо ведаю ж кошт літру - 2470.
Кагнітыўны дысананс на практыцы - трапіў у канфліктную сытуацыю, адчуў псыхалягічны дыскамфорт, адно што сацыяльную ўстаноўку пакуль што не зьмяніў. Трывожныя адчуваньні, якімі поўніцца мой розум, зьвязаныя, збольшага, зь непакоем за напаўняльнасьць айчыннага бюджэту.

Sep. 29th, 2008

Выбары, вырабы

Ілюстрацыі да апошняга пасту (ахтунг! 2,5 - 3 Мб!):

1. Гэтую можна выкарыстаць ў размове пра крывавы рэжым:

(справа - назіральнікі БДІПЧ АБСЭ)

2. А гэтую - пра чэсныя выбары:

3. А гэта датэрміновую скрыначку адчынілі...

Posted at 06:17 pm | Link | Leave a comment | Add to Memories | Tell a Friend

Выбары

Ня ведаю, як хто, а я на сваім участку такое ў першы раз за 13 гадоў пабачыў. Усё, што было пасьля закрыцьця ўчастку - зусім адкрыта, справядліва, з поўным доступам да ўсяго, што пажадаеш, і нават з прыязнасьцю. Праўда, ў прысутнасьці АБСЭ-шнікаў... Апошні раз такое назіраў хіба ва Ўкраіне ў 2004-м, на "3-м" туры прэзыдэнцкіх. Могуць-жа, аказваецца. Цікава.